വണ്ടൂർ
ബ്ലോക്ക് പഞ്ചായത്ത്

ഒളി മങ്ങാത്ത അധിനിവേശ പോരാട്ട സമര ചരിത്രങ്ങളുടെ ഏടുകളിൽ തങ്കലിപികളാൽ ഉലേഖനം ചെയ്യപ്പെട്ട വണ്ടൂരിന്‍റെ മണ്ണ്. പുലിക്കോട്ടിൽ ഹൈദർ സാഹിബിന്‍റ ഓർമ്മകൾ തുടി കൊട്ടുന്ന നാട്. വണ്ടൂരിന്‍റെ വിദ്യാഭ്യാസ മുന്നേറ്റത്തിന് ആദ്യ ശിലപാകിയ വെള്ളക്കാട്ടു മനക്കൽ ചെറിയ നാരായണൻ ഭട്ടത്തിരിപ്പാട്.ഒരു കാലഘട്ടത്തിന്‍റെ ചരിത്രം വിളിച്ചോതുന്ന വണ്ടൂരിന്‍റെ പ്രഥമ ആതുരാലയമായ കരുണാലയയുടെ കഥകൾ ഉറങ്ങുന്ന മണ്ണ്. സാംസ്കാരിക പൈതൃകവും പാരമ്പര്യത്തിന്‍റെ തിരുഃ ശേഷിപ്പുകളുമായി നഗാരയുടെ ശബ്ദം മുഴങ്ങുന്ന പള്ളിക്കുന്നിലെ പ്രസിദ്ധമായ ആരാധനാലയവും, പുരാതനമായ വണ്ടൂരിലെ ശിവക്ഷേത്രംവും, വാണിയമ്പലം സെൻമേരിസ് ചേർച്ചും ഈ നാടിന്‍റെ മത സാംസ്കാരിക പൈതൃകത്തെ വിളക്കി ചേർക്കുന്നു. ജില്ലയിലെ വിദ്യാഭ്യാസ, വാണിജ്യ, കലാകായിക മേഖലയുടെ ശിരകേന്ദ്രമാണ് വണ്ടൂർ. ഏറനാട്, നിലമ്പൂർ എന്നീ താലൂക്കുകളിലെ 6 പഞ്ചായത്തുകളായ തൃക്കലങ്ങോട് ,മമ്പാട് വണ്ടൂർ, പോരുർ,തിരുവാലി പാണ്ടിക്കാട്...